Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
BibbiaEDU-logo

Nova Vulgata - Vetus Testamentum - Secundus Regum - 23

Secundus Regum

Nova Vulgata Torna al libro

NT greco

Nova Vulgata 23 23,1Qui misit, et congregati sunt ad eum omnes senes Iudae et Ierusalem;
Nova Vulgata 23,2ascenditque rex templum Domini et omnes viri Iudae universique, qui habitabant in Ierusalem cum eo, sacerdotes et prophetae et omnis populus a parvo usque ad magnum. Legitque, cunctis audientibus, omnia verba libri foederis, qui inventus est in domo Domini.
Nova Vulgata Stetitque rex super gradum suum et percussit foedus coram Domino, ut ambularent post Dominum et custodirent praecepta eius et testimonia et legitima in omni corde et in tota anima et suscitarent verba foederis huius, quae scripta erant in libro illo. Acquievitque universus populus pacto.
3 Gradum (suum) - Lege cum Targ, Vg et 2Par 34,31 ‛omdô; TM «columnam»
Nova Vulgata
23,4Et praecepit rex Helciae pontifici et sacerdotibus secundi ordinis et ianitoribus, ut proicerent de templo Domini omnia vasa, quae facta fuerant Baal et Aserae et universae militiae caeli; et combussit ea foris Ierusalem in convalle Cedron et tulit pulverem eorum in Bethel.
Nova Vulgata 23,5Et delevit aedituos, quos posuerant reges Iudae ad sacrificandum in excelsis per civitates Iudae et in circuitu Ierusalem, et eos, qui adolebant Baal et soli et lunae et duodecim signis et omni militiae caeli.
Nova Vulgata 23,6Et efferri fecit palum de domo Domini foras Ierusalem in convalle Cedron et combussit eum ibi et redegit in pulverem et proiecit super sepulcrum vulgi.
Nova Vulgata Destruxit quoque aediculas prostibulorum, quae erant in domo Domini, in quibus mulieres texebant vestes pro Asera.
7 Vestes - Lege battîm (cfr. GrL stolas; Gr chettiin, corruptum ex bettieim; arab. batt = vestis aspera); TM «domos»
Nova Vulgata
Congregavitque omnes sacerdotes de civitatibus Iudae et contaminavit excelsa, ubi sacrificabant sacerdotes, de Gabaa usque Bersabee; et destruxit excelsa pilosorum in introitu portae Iosue principis civitatis, ad sinistram ingredientis portam civitatis.
8 Pilosorum - Coniectura: śeîrîm; TM šeārîm = portarum (secundum situm excelsorum prope portam?)
Nova Vulgata 23,9Verumtamen non ascendebant sacerdotes excelsorum ad altare Domini in Ierusalem, sed tantum comedebant azyma in medio fratrum suorum.
Nova Vulgata 23,10Contaminavit quoque Topheth, quod est in convalle Benennom, ut nemo consecraret filium suum aut filiam per ignem Moloch.
Nova Vulgata Abstulit quoque equos, quos dederant reges Iudae soli in introitu templi Domini iuxta cubiculum Nathanmelech eunuchi, quod erat in Pharurim; currus autem solis combussit igne.
11 In introitu - Lege cum paucis mss, Gr, Syr et Vg mebō’; TM mibbō’ (ab introitu)
Nova Vulgata Altaria quoque, quae erant super tectum cenaculi Achaz, quae fecerant reges Iudae, et altaria, quae fecerat Manasses in duobus atriis templi Domini, destruxit rex et contrivit ea ibi et dispersit cinerem eorum in torrentem Cedron.
12 Et contrivit ea ibi - Lege wajeraṣṣem šām; TM «et cucurrit inde» (wajjaroṣ miššām)
Nova Vulgata 23,13Excelsa quoque, quae erant ex adverso Ierusalem ad dexteram partem montis Perditionis, quae aedificaverat Salomon rex Israel Astharoth idolo Sidoniorum et Chamos idolo Moab et Melchom idolo filiorum Ammon, polluit rex;
Nova Vulgata 23,14et contrivit lapides et succidit palos replevitque loca eorum ossibus mortuorum.
Nova Vulgata
23,15Insuper et altare, quod erat in Bethel, excelsum, quod fecerat Ieroboam filius Nabat, qui peccare fecit Israel, etiam altare illud et excelsum destruxit atque combussit et comminuit in pulverem succenditque palum.
Nova Vulgata Et conversus Iosias vidit ibi sepulcra, quae erant in monte, misitque et tulit ossa de sepulcris et combussit ea super altare et polluit illud iuxta verbum Domini, quod clamaverat vir Dei, cum staret Ieroboam in die festo ad altare. Et conversus elevavit oculos in sepulcrum viri Dei, qui clamaverat verba haec,
16 Adde  cum Gr ba‛āmōd jārābe‛ām beḥāg ‛al hammizbēaḥ wajjiphen wajjiśśā’ ’et-‛ênâw ‛al qeber ’iš-hā’ĕlōhîm; TM omittit propter homoeoteleuton
Nova Vulgata 23,17et ait: «Quis est titulus ille, quem video?». Responderuntque ei cives illius urbis: «Sepulcrum est hominis Dei, qui venit de Iuda et clamavit verba haec, quae fecisti super altare Bethel».
Nova Vulgata 23,18Et ait: «Dimittite eum; nemo commoveat ossa eius». Et intacta manserunt ossa illius cum ossibus prophetae, qui venerat de Samaria.
Nova Vulgata Insuper et omnia fana excelsorum, quae erant in civitatibus Samariae, quae fecerant reges Israel ad irritandum Dominum, abstulit Iosias et fecit eis secundum omnia opera, quae fecerat in Bethel.
19 Dominum - Adde cum Gr, Syr et Vg ’et-jhwh (cfr. 17,11 etc.); TM omittit
Nova Vulgata 23,20Et immolavit universos sacerdotes excelsorum, qui erant ibi super altaria, et combussit ossa humana super ea; reversusque est Ierusalem.
Nova Vulgata
23,21Et praecepit omni populo dicens: «Facite Pascha Domino Deo vestro secundum quod scriptum est in libro foederis huius».
Nova Vulgata 23,22Nec enim factum est Pascha tale a diebus iudicum, qui iudicaverunt Israel, et omnibus diebus regum Israel et regum Iudae,
Nova Vulgata 23,23sicut in octavo decimo anno regis Iosiae factum est Pascha istud Domino in Ierusalem.
Nova Vulgata
23,24Sed et pythones et hariolos et theraphim et idola abominationesque omnes, quae erant in terra Iudae et in Ierusalem, abstulit Iosias, ut statueret verba legis, quae scripta sunt in libro, quem invenit Helcias sacerdos in templo Domini.
Nova Vulgata 23,25Similis illi non fuit ante eum rex, qui reverteretur ad Dominum in omni corde suo et in tota anima sua et in universa virtute sua iuxta omnem legem Moysi, neque post eum surrexit similis illi.
Nova Vulgata
23,26Verumtamen non est aversus Dominus ab ira furoris sui magni, quo iratus est furor eius contra Iudam propter omnes irritationes, quibus provocaverat eum Manasses.
Nova Vulgata 23,27Dixit itaque Dominus: «Etiam Iudam auferam a facie mea, sicut abstuli Israel, et proiciam civitatem hanc, quam elegi, Ierusalem et domum, de qua dixi: Erit nomen meum ibi».
Nova Vulgata
23,28Reliqua autem gestorum Iosiae et universa, quae fecit, nonne haec scripta sunt in libro annalium regum Iudae?
Nova Vulgata 23,29In diebus eius ascendit pharao Nechao rex Aegypti contra regem Assyriorum ad flumen Euphraten. Et abiit Iosias rex in occursum eius, qui occidit eum in Mageddo, cum vidisset eum.
Nova Vulgata 23,30Et portaverunt eum in curru servi sui mortuum de Mageddo et pertulerunt in Ierusalem et sepelierunt eum in sepulcro suo. Tulitque populus terrae Ioachaz filium Iosiae et unxerunt eum et constituerunt eum regem pro patre suo.
Nova Vulgata
23,31Viginti trium annorum erat Ioachaz, cum regnare coepisset, et tribus mensibus regnavit in Ierusalem. Nomen matris eius Amital filia Ieremiae de Lobna.
Nova Vulgata 23,32Et fecit malum coram Domino iuxta omnia, quae fecerant patres eius.
Nova Vulgata 23,33Vinxitque eum pharao Nechao in Rebla, quae est in terra Emath, ne regnaret in Ierusalem; et imposuit multam terrae centum talentis argenti et talento auri;
Nova Vulgata 23,34regemque constituit pharao Nechao Eliachim filium Iosiae pro Iosia patre eius vertitque nomen eius Ioachim. Porro Ioachaz tulit, et venit in Aegyptum et mortuus est ibi.
Nova Vulgata 23,35Argentum autem et aurum dedit Ioachim pharaoni, cum indixisset terrae, ut conferretur argentum iuxta praeceptum pharaonis; et secundum uniuscuiusque aestimationem exegit tam argentum quam aurum de populo terrae, ut daret pharaoni Nechao.
Nova Vulgata
23,36Viginti quinque annorum erat Ioachim, cum regnare coepisset, et undecim annis regnavit in Ierusalem. Nomen matris eius Zebida filia Phadaia de Ruma.
Nova Vulgata 23,37Et fecit malum coram Domino iuxta omnia, quae fecerant patres eius.
Capitolo 22
Capitolo 24